شعری لری از شاعر ممسنی انصاری فهلیانی:

منِ دیوار قفس بی هٌشَه دون سَر مَزَنیت

یُه نَه پَروازِه وَ من کُنجِ قَفَس پَر مَزَنیت 

...

دَورِ پَی جادهَ مَپیچیت مِثِ مارو هَفی

یَعنی ایطوریَ سَرهَرخَطَه چَمبَر مَزَنیت

هَرپَرَندَه َی یَه صِدی داره که مخصوصِ خُشه

خَندِسَن کوگَ  قَدِ جیقَه یِ شَوپر مَزَنیت

اَگَه بَندیر بَهاریت و وَدین صلح و صفا

تیرَ کِر بالِ پَرستو وُ کَموتَر مَزَنیت

عشق ، مَعصومِه وَ بازی مَگریتِش اُمرو

هَی وَ پَس سَر وَرِ پَهلیشْ وَ خَنجَر مَزَنیت

اَو وَ گُل تازه شِکُفتَه اَگَه نیدیتْ مَدیت

دَسِ کَمْ وَ زرِ لالَه یِ پَر پَر مَزَنیت

پا کَنی کردَنِ هر باغَ بَهونَه مَکُنیت

تیشَه مِنْ ریشَه ی نارنج و دَبی تَر مَزَنیت

آخُه بَلگ ایخَره تاریخ وُ وَرَق ری ویبو

نقشِ وارینَه وَ من صَفحهَ ی دَفتر مَزَنیت